اسلام آباد 06 اګست (اے پي پي) د اطلاعات او خپرونو وفاقي وزير عطاء الله تارړ وئيلي دي د پنجاب د هتك عزت قانون 2024 صوبائي معامله ده، پنجاب حق لري چې خپل قانون منظور كړي، ډيجيټل رائټس پروټيکشن اتھارټۍ پحقله ټولو شراكتدارو سره مشاورت لپاره د كابينه كميټي جوړه كړې شوې ۔ دا خبره ده د نهې په ورځ اطلاعات او خپرونو لپاره د سېنېټ قائمه كمېټۍ په غونډه كښې د خبرو په مهال كړې۔ د غونډې مشري سينيټر سيد علي ظفر كوله۔ په غٶنډه كښې د پرائيويټ ممبر “دي پروټيکشن آف جرنلسټس اينډ ميډيا پروفيشنلز په (بدلون) بل 2022” غور وشو۔ وفاقي وزير كمېټۍ ته ووئيل د خبريالانو تحفظ لپاره بل ته حتمي شكل وركولو لپاره پارلمان څخه د منظورۍ هڅې تندولو لپاره د بشري حقونو وزارت ته چيټۍ ليكلې شوې٬ جرنلسټس پروټيکشن کميشن د بشري حقونو وزارت له مخې كار كوي٬ كمېشن د خپل وزارت تر سېوري لاندې راوستلو لپاره چمتو يو، دې مقصد لپاره مونږ د دې نه وړاندې هم زيات فنډز لرو۔٬ ده ووئيل په بل كښې منيجرز او د سپروائزر نوعيت ملازمان په نان جرنلسټس کيټيګري كښې شمېرلې كېږي٬ دا کيټيګري بالکل جلا ده، دا دواړه يو كولو سره په قانون كښې لوستلے كېږي۔ وفاقي وزير ووئيل په تېر حكومت كښې چې كله پارلمان تحليل شو نو دا بل هم په التواء كښې ٶ، د بشري حقونو وزارت ته چيټۍ ليكلې شوې چې دې ته حتمي شكل وركړي۔ ده ووئيل د کميشن چيئرپرسن تقررۍ لپاره چې كومه تګلاره شته په ھغې عمل لپاره چمتو يو، دا د دوو وزارتونو ترمېنځه معامله ده چې په سبب ئ په دې عمل درامد كښې تاخير وشو۔ ده ووئيل كمېټۍ ته خواست كوٶ چې د دې بل پحقله دې د ټائم لائن تعين وكړي او په دې قائمه كمېټۍ د وفاقي وزير د تجويز تائيد وكړو۔ د دې نه وړاندې د “دي پروټيکشن آف جرنلسټس اينډ ميډيا پروفيشنلز (بدلون) بل 2022” محرك سينيټر سليم مانډوي والا ووئيل د دې بل مقصد خبريالانو او د دوي د كورنيو او جائيدادونو تحفظ باوري كول دي٬ په بل كښې په خبريالانو تشدد او په نورو پېښو كښې ريليف وركولو لپاره د كمېشن جوړولو تجويز وركړے شوے۔ د پي اېف يو جے غړو كمېټۍ ته ووئيل په مختلف قوانين كښې د “خبريالانو” تعريف مختلف دے او دا په ټولو قوانين كښې يو ډول پكار دے٬ په بل كښې د خبريالانو د ذريعو حفاظت لپاره هم شقونه شامل دي٬ كمېټۍ د تفصيلي بحث نه وروستتو نور غور لپاره بل تر راتلونكې غونډې موخر كړو۔ په غونډه كښې د اطلاعات او خپرونو وفاقي وزير عطاء الله تارړ نه علاوه سينيټر عرفان الحق صديقي، سينيټر پرويز رشيد، سينيټر سرمد علي، سينيټر عون عباس، سينيټر محمد طلال بدر، سينيټر عبدالشکور خان، سينيټر جان محمد، سينيټر اشرف علي جتوئي، سينيټر سليم مانډوي والا، سينيټر زرقا سهروردي تېمور، سينيټر منظور احمد کاکړ ګډون وكړو ۔ په دې موقع د اطلاعات او خپرونو سيکريټري عنبرين جان، پرنسپل انفارميشن آفيسر مبشر حسن او د بېلا بېلو څانګو نور چارواكي هم موجود وو۔
د پنجاب د هتك عزت قانون 2024 صوبائي معامله ده، پنجاب حق لري چې خپل قانون منظور كړي: د وفاقي وزير عطاء الله تارړ په سېنېټ كښې د اطلاعات او خپرونو قائمه كمېټۍ كښې خبرې
مضمون کا ماخذ : اسکریچ کارڈ نمبر
متعلقہ مضامین
