اسلام آباد 21 ستمبر (اے پي پي)د وزيراعظم د ځوانانو چارو خاص مرستيال عثمان ډار وئېلي دي د اليكټرانك ووټنګ مشين(اي وي اېم)ټېكنالوجۍ د لارې د سپيځلو ټاكنو نظام د هېواد سياسي استحكام لپاره ضروري دے او دې سره به د اولس په انتخابي عمل باور هم زيات شي۔موجوده حكومت د اليكټرانك ووټنګ طريقه كار ته حتمي شكل وركولو لپاره بيا بيا د اپوزېشن او د الېكشن كمېشن آف پاكستان پشمول تمام سټيك هولډرز ته د خبرو بلنه وركړې ۔د نهې په ورځ نجي ټي وي چينل سره په خبرو كښې ده ووئيل مونږ د ټېكنالوجي د لارې پاكې او سپيځلې ټاكنې او په انتخابي عمل كښې انساني مداخلت كمول غواړو دغسې چې د ټګۍ چغې تل لپاره ختمې شي۔د اپوزېشن د تنقيد په اړه ځواب وركولو كښې عثمان ډار ووئيل د نېب ټول سېټ اپ پخوانو حكومتونو جوړ كړے ٬موجوده حكومت پكښې يو نائب قاصد هم نه دې بهرتي كړے ٬ټولو سياسي ګوندونو له په هېواد كښې د جمهوريت ودې لپاره په مهمو قامي چارو په مشاورت سره معاملات حل كول پكار دي۔ده ووئيل مونږ بيا بيا قام ته وئېلي دي چې د اپوزېشن د سياست بنياد په دروغو او په ذاتي ګټه اډانه لري او دا خلك د لوټ شوي دولت بچ كولو لپاره يو ځاے شوي٬اپوزېشن ګوندونه يوازې خپلو مشرانو ته په بېلو عدالتونو كښې په روانو كيسونو كښې رېليف وركول غواړي او دې مقصد لپاره هغوي د قامي ادارو بدنامولو هڅه كوي۔ده ووئيل د وزيراعظم عمران خان په مشرۍ كښې موجوده حكومت د اپوزېشن سره په ټولو قامي معاملاتو خبرو لپاره چمتو دے خو په قامي ګټه به كله هم سمجهوته ونه كړو٬دا مهال وزيراعظم عمران خان د هېواد او قام يواځنے مخلص ليډر دے
د سپيځلو ټاكنو نظام د هېواد سياسي استحكام لپاره ضروري دے ٬ټولو سياسي ګوندونو له د جمهوريت ودې لپاره په مشاورت معاملات حل كول پكار دي۔د ځوانانو چارو خاص مرستيال عثمان ډار
مضمون کا ماخذ : لاٹری ٹکٹ کی قیمت
متعلقہ مضامین
