اسلام آباد۔14اکتوبر(اے پی پی) د بهرنیو چارو وزیر شاه محمود قرېشي د ملګرو ملتونو د بشري حقونو كونسل ټاکنو کښې د پاکستان د پام وړ سفارتي بريا په ترلاسه كولو ټول ملت له مبارکي وركولو سره وئيلي دي نن نړۍ د پاكستان كردار ته د قدر په سترګه ګوري۔ دا كاميابي د بشري حقونو كونسل كښې زمونږ درې كلنه كاركردګي هم په ډاګه كوي۔ د شورؤ په ورځ خپل يو بيان كښې خارجه وزير ووئيل پاکستان په سفارتي كچه د پام وړ بریا ترلاسه کړې . پاكستان ته په دغه ټاكنو كښې 191 كښې 169 رائې ترلاسه شوي۔ شاه محمود قرېشي ووئيل د ملګرو ملتونو د بشري حقونو كونسل ټاكنو كښې د هرې يوې منطقې هېوادونو د پاكستان ملاتړ كړے۔ خارجه وزير د ټولو هېوادونو مننه كولو سره ووئيل دا كاميابي د بشري حقونو كونسل كښې زمونږ درې كلنه كاركردګي په ډاګه كوي۔ ده ووئيل دې سره د پاكستان وقار زيات شوے۔ شاه محمود قرېشي ووئيل مقبوضه كشمير كښې د بشري حقونو خلاف ورزۍ زياتې شوي۔ په داسې حالاتو كښې د پاكستان د دې ادارې برخه جوړېدل مهمه كاميابي ده۔ په دې ټاكنو كښې ملاتړ ترلاسه كولو له وزيراعظم عمران خان د بېلو هېوادونو مشرانو ته خطونه واستولې۔ ده ووئيل ما د خارجه وزير په حېث د بېلو هېوادونو خپل همڅنګو سره تماس نيولے۔ خارجه وزير ووئيل زه په دې موقع يو اېن ډويژن او د جنېوا ډلې له مباركي وركوم
د خارجه وزير شاه محمود قرېشي د ملګرو ملتونو د بشري حقونو كونسل ټاكنو كښې د پاكستان په كاميابۍ ټول قام ته مباركي
مضمون کا ماخذ : شمال کے ڈریگن
متعلقہ مضامین
