اسلام آباد۔6دسمبر(اے پی پی) خارجه وزير مخدوم شاه محمود قرېشي د بلېجيم دوهم وزيراعظم او خارجه وزير صوفي وليمز په بلنه د ګل په ورځ خپل پلاوي سره د برسلز په درې ورځنۍ سركاري دوره روان شو۔ برسلز كښې د پاتې كېدو په مهال به خارجه وزير د اروپائي ائتلاف خارجه چارو مشر او نائب صدر جوزف بوريل سره د شپږم “پاکستان-ای یو اسټرېټجک ډائیلاګ” په ګډه مشري كوي۔ په جون 2019 كښې د پاكستان او اروپائي ائتلاف ترمينځه اسټرېټجك انګېجمنټ پلان لاس ليك شو۔ د تاریخی “اسټرېټېجک انګېجمنټ پلان” لاس ليك كېدو نه وروسته به دا “اسټرېټجک ډائیلاګ” اولنې نېغ په نېغه غونډه وي۔ خارجه وزير به نېټو هېډكوارټر ته ځي او د نېټو عمومي سېكتر جینز اسټولټن برګ او د اروپائي پارليمان غړو سره به ملاقات او د خيالاتو څرګندونه كوي۔ په بیلجیئم او لکسمبرګ كښې مېشته پاكستاني كميونټي سره ملاقات او خطاب هم د خارجه وزير د شېډول برخه ده۔خارجه وزير ووئيل د پاكستان او بلجيم ترمېنځه ژورې دوستانه اړيكې د مشتركو اقدارو لكه جمهوريت ، تكثيريت او په دوه اړخيزه احترام اډانه دي۔ د 982 ملینه امریکی ډالر تجارتی حجم سره بېلجيم په اروپائي ائتلاف كښې د پاكستان پنځم لويې تجارتي همكار دے۔ شاہ محمود قرېشی ووئيل زمونږ د دوه اړخيزه تجارت موجوده حجم 10.883 بلینه امریکائي ډالره دې۔ زمونږ ترمينځه د اعلی كچې رابطو ته وده وركولو سره به دوه اړخيزه اړيكې لا مستحكم او پراخا شي۔
خارجه وزير مخدوم شاه محمود قرېشي د برسلز په درې ورځنۍ سركاري دوره روان شو
مضمون کا ماخذ : پاور بال آن لائن خریداری
متعلقہ مضامین
