اسلام آباد 09 نومبر (اے پي پي) پاکستان وئيلي دي د کرتار پور راهدارۍ د مذهبونو ترمېنځه همغږې زياتولو لپاره نوې لارې خلاصې كړي٬ راهداري نه يواځې د ګردې نړۍ سكھ ورورولۍ له مقدس ځايونو ته د آسانې رسنې خواهش ترسره كوي بلكې دا په هېواد كښې د ټولو مذهبونو اقليت ته د اهميت وركولو په اړه د پاكستان د عزم هم عكاسي ده۔ د خارجه دفتر وياند د نهې په ورځ د کرتار پور راهدارۍ په دوه كالو ترسره كېدو خپل يو بيان كښې ووئيل دوه كاله وړاندې په دې ورځ د بابا ګرو نانك د 550مې زېږون ورځې په موقع وزيراعظم عمران خان د کرتارپور راهدارۍ پرانسته كړې وه٬ نوې جوړه شوې ګوردواره دربار صاحب کرتارپور کمپليکس د پاکستان اولس او قيادت لخوا د هند او ګردې نړۍ سكھ ورورولۍ لپاره يوه ډالۍ وه۔ وياند ووئيل د ملګرو ملتونو عمومي سېكتر انتونيو ګوټرېس په فروري كال 2020 كښې د كرتار پور صاحب دورې په مهال راهداري د “اميد راهداري” ګرځولې وه۔ د مارچ په 16مه نيټه كال 2020 كښې د كرونا وباء له امله راهداري په عارضي توګه بنده كړې شوې وه، خو راهداري په 29 جون كال 2020 كښې د كرونا اېس او پيز له مخې بيا خلاصه كړې شوې۔ ده ووئيل هند په هېواد كښې د ټولو مذهبي ځايونو پرانستلو او ګرده نړۍ كښې نړيوال سفر بيا پېل كېدو ٬ د سكھ ټولنې لخوا د بيا بيا مطالباتو باوجود سكھ يارتي ته كرتار پور صاحب ته د راتللو اجازې او راهداري خپل اړخ ته د خلاصولو نه ډډه كوي۔ وياند ووئيل مونږ سږ كال د بابا ګرونانك د زېږون ورځ په موقع دستورو كښې د هند او ګردې نړۍ عقيدت مندو كوربتوب ته منتظر يو٬ پاکستان هيله لري چې هند به د مرستې جذبې له مخې ياتري ته كرتار پور صاحب ته د راتللو لپاره د راهدارۍ د لارې د سفر كولو اجازه وركړي
د کرتار پور راهدارۍ د مذهبونو ترمېنځه همغږې زياتولو لپاره نوې لارې خلاصې كړي۔ د خارجه دفتر وياند
مضمون کا ماخذ : کمپیوٹر لاٹری کے اعدادوشمار
متعلقہ مضامین
