اسلام آباد 23 جولائي (اے پي پي)نائب وزيراعظم او خارجه وزير سېنېټر اسحاق ډار وئېلي د?? پاكستان او تركمانستان د اعلٰی كچ خبرو اترو او تبادلو ته په وده وركولو اتفاق كړے٬د تركمانستان قامي لارښود قربان ګلي بردي محمودف د پاكستان دورې ته سترګې په لار يو٬د هغه متوقع د پاكستان دوره به د دواړو هېوادونو ترمينځه د ملګرتيا اړيكو ته لا تقويت وركړي۔د دې خيالاتو څرګندونه ده د نهې په ورځ په خارجه دفتر كښې د تركمانستان خارجه وزير راشد ميردووف سره شريك پرېس كنفرنس ته د وينا كولو په مهال وكړه ۔نائب وزيراعظم ووئېل د پاكستان او تركمانستان اړيكې د امن او خوشحالۍ په شريك نصب العين اډانه دي۔د دواړو هېوادونو اولس يو بل سره قوي اړيكې لري۔سېنېټر اسحاق ډار ووئيل په ملاقات كښې مونږ د دوه اړخيزه تګلارې سره د سيمه ايز او نړيوال پېشرفت هم احاطه وكړه ۔د تركمانستان خارجه وزير د پاكستان دوره دوه اړخيزه تبادلو او د مرستې د ودې عزم عكاسي د??۔خوشحاله يو چې د پاكستان او تركمانستان اړيكې په مثبت لوري روانې دي۔ده ووئيل د پاكستان او تركمانستان ترمينځه دوه اړخيزه تاريخي او د ورورولۍ اړيكې قائمې دي۔د شريك مشاورت درېم دور كښې مونږ په بېلو څانګو كښې د دوه اړخيزه اړيكو جاج واغست او مونږ د اعلٰی كچ خبرو اترو او تبادلو په وده وركولو هم اتفاق وكړو ۔نائب وزيراعظم ووئيل مونږ په سياست٬معيشت٬دفاع پشمول نورو څانګو كښې مرستې ته لا پراختيا وركولو ته سلاح شوي يو۔د تجارت٬سرمايه كارۍ٬توان او آئي ټي په ترجيحي څانګو كښې په روابطو زياتولو هم غور وشو ۔ده ووئيل د تركمانستان خارجه وزير په پاكستان كښې د سرمايه كارۍ لپاره د اېس آئي اېف سي مهم كردار نه خبر كړے شو۔مونږ د تركمانستان كمپنو ته په پاكستان كښې د سرمايه كارۍ بل??ه وركوو۔د پاكستان بندر ځايونه د دواړو هېوادونو كاروباري ورورولۍ لپاره په زړه پورې موقعې وركوي۔د تركمانستان كمپنۍ دې د ګوادر او كراچۍ بندرځايونو څخه ګټه پورته كړ??۔ن??ئب وزيراعظم ووئيل تاپي ګيس پائپ لائن او اليكټرسټي ټرانسمېشن په پروژو هم خبرې اترې وشوې او د دې جاح واغستلے شو۔ده ووئيل پاكستان او تركمانستان به د آزادې ويزې پالېسۍ لپاره په ګډه كار كوي۔دغسې مونږ دوه اړخيزه پارليماني روابط او كلتوري تبادلو ته په وده وركولو هم اتفاق كړے۔تعليمي وظائف او د اولس په كچه د روابط د ودې هم پريكړه وكړې شوه ۔سېنېټر اسحاق ډار ووئيل مونږ ملګرو ملتونو او د او آئي سي پشمول په ګڼ اړخيزه فورمز د مرستې ودې لپاره عزم لرو۔ده ووئيل د تركمانستان خارجه وزير د هند غېر قانوني تسلط لاندې جمو و كشمير صورتحال نه هم خبر كړے شو ۔په دې موقع د تركمانستان خارجه وزير راشد ميردووف ووئيل پاكستان زمونږ نزدې ملګرے او ورور هېواد دے٬په مېلمستياﺀ د نائب وزيراعظم محمد اسحاق ډار او د پاكستان حكومت مننه كوم۔ده ووئيل پاكستاني هم څنګ سره په بېلا بېلو چارو تفصيلي خبرې اترې وشوې ۔مونږ د دوه اړخيزه اړيكو د ټولو اړخونو جاج اخستے۔د تركمانستان خارجه وزير ووئيل پاكستان سره د سائنس اينډ ټېكنالوجۍ په څانګه كښې د مرستې په موقعو هم خبرې اترې وشوې او مونږ د تاپي ګاز پائپ لائن پروژې د پېشرفت هم جاج واغست۔
پاكستان او تركمانستان د اعلٰی كچ خبرو اترو او تبادلو ته په وده وركولو اتفاق وكړو٬د تركمانستان قامي لارښود قربان ګلي بردي محمودف د پاكستان دورې ته سترګې په لار يو۔سېنېټر اسحاق ډار
مضمون کا ماخذ : آن لائن لاٹری ٹکٹ
متعلقہ مضامین
